Aktuale pri la UK

	LEA
	Integriĝi JES, Asimiliĝi NE

La prezidanto de UEA, Renato Corsetti, kaj la vicprezidanto, Lee Chong-Yeong, vizitis Litovujon de la 12a ĝis la 17a de majo por rendevui litovajn registarajn instancojn, por atentigi ilin pri signifo de UK 2005 en Vilnius kaj por peti iniciatan rolon de litova registaro por Esperanto enlande kaj en internaciaj organizaĵoj. La unua rendevuo estis kun s-ro Antanas VALIONIS, ministro pri eksterlandaj aferoj.  Parolante pri aliĝo de Litovujo, malgranda lando, al Eŭropa Unio, kaj parolinte pri la lingva problemo de EU, li firme diris, ". . . en EU Litovujo pretas integriĝi, sed ne asimiliĝi", kaj favore konsideras Esperanton. La UEA-delegitaro tute konsentis lian determinon,  ĉar ĝi precize kongruas kun la etoso de la neŭtrala lingvo. Ĉe la rendevuo kun s-ino Asta DIRMAITĖ, la ĝenerala sekretario de Litova Nacia Komisiono de UNESKO, ŝi promesis pozitive konsideri la proponon de UEA pri la rezolucio de UNESKO favore al Esperanto. Al s-ro Valentinas MILAKNIS, la ĝenerala direktoro de Litovia Nacia Radio kaj Televido, la UEA-delegitaro sugestis radio-elsendon en Esperanto tra interreto. Dum la rendevuo de prof. Benediktas JUODKA, rektoro de la Vilna Universitato,  li promesis konsideri  aldoni Esperanton  kiel unu el la elekteblaj kursoj. Li ankaŭ diris, ke estos bona ideo esplorstudi lingvistikan komparon inter litova lingvo kaj Esperanto. S-ro Algirdas MONKEVIČIUS, ministro pri edukado kaj scienco, montris intereson pri eksperimento pri la propedeŭtika valoro de Esperanto, kiel sugestita de la UEA-delegitaro. Kun s-ro Artūras PAULAUSKAS, prezidanto de Litovia Parlamento, kaj tri vic-prezidantoj, la rolo de Litovujo kiel estonta membro de Eŭropa Parlamento pri la lingvaj problemoj en EU estis diskutita. S-ro Alvytis LUKOŠEVIČIUS, direktoro de Ŝtata Turisma Departemento akceptis la sugeston de UEA delegito, ke turisma broŝuro okaze de la 2005 UK en Vilnius estu eldonita en Esperanto. Urbestroj de Vilnius kaj Kaunas ankaŭ promesis simile. Kun s-ro Gediminas DALINKEVIČIUS, prezidanto de parlamenta komitato pri homaj rajtoj, lingvaj aspektoj de homaj rajtoj estis priparolita. Dum la vizito okazis du gazetaraj konferencoj, unu ĉe la parlamento kaj unu inkluzive de BNS (Balta Novaĵo-Servo). La tuta programo estis perfekte organizita de s-ro Povilas Jegorovas, prezidanto, kaj s-ino Irena Alijošiūtė, la sekretario de Litova Esperanto-Asocio, kaj aktive partoprenita de Litova parlamentano s-ro Stasys KRUŽINAUSKAS, tre bona esperantisto. Renkontiĝoj kun esperantistoj en Vilnius (ĉirkaŭ 50) kaj Kaunas (ĉirkaŭ 40) estis agrablaj.                                                                                                                LEE Chong-Yeong, vic-prezidanto de UEA Foto (2): CHOE Taesok 1. LEE Chong-yeong 2. Renkontiĝo kun esperantistoj de Vilnius

14  Al Pekino - por lerni LEA 2004/06/14 10831 13  Litova stelo n-ro 2 LEA 2004/05/10 8376 12  Financa subteno por la kongreso LEA 2004/03/07 8289 11  Poŝtmarkoj pri la UK LEA 2004/01/31 8397 10  Prelegoj tra Germanio kaj Francio LEA 2004/01/27 8844 9  Prelegoj pri Litovio en Finnlando LEA 2004/01/27 7955 8  Kunsido en la turisma departemento LEA 2004/01/27 8008 7  Informado en Japanio LEA 2003/12/29 8007 6  Vizito de Konstanta Kongresa Sekretario LEA 2003/11/18 10207 5  Informado en Izraelo LEA 2003/11/18 9139 4  UK iros al Pekino kaj Vilniuso LEA 2003/11/17 9643 3  Reeĥoj pri la vizito LEA 2003/11/17 7643  Integriĝi JES, Asimiliĝi NE LEA 2003/11/17 7412 1  Vizito de Osmo Buller en Litovio LEA 2003/11/17 7229 [1][2][3][4][5][6][7] 8

Copyright 1999-2013 Zeroboard / skin by piatty