La unua komuniko | La dua komuniko | La tria komuniko | La kvara komuniko

LITOVIO ALVOKAS

Litovio estas la gastiganta lando de esperantistoj en la somero 2005. Vilno invitas nin en la Universalan Kongreson de Esperanto (90-a UK) 23.-30.7.2005. Venu kaj ĝuu la riĉan programon de UK kaj itovan gastamon kune kun esperanto-amikoj el la tuta mondo. Pliajn informojn pri UK donas via landa ĉefdelegito de UEA.

La Internacia Kongreso de Blindaj Esperantistoj (71-a IKBE) okazos same en Vilno tuj post la UK 30.7.-6.8.2005. En Litovio kreskas intereso al Esperanto. Kiel ĉiam litovoj afable prizorgas siajn gastojn.

La prepara komitato de nia 71-a IKBE strebas labori tiel, ke la kongresaj kostoj estu moderaj. En la dua komuniko en la komenco de la jaro 2005 ni informos pli detale pri nia kongreso, ankaŭ pri la kongresa temo.

Bv. pretigi vojaĝon al Litovio, la koro de Eŭropo.

Elkore

Konsilantaro de la Litova Asocio de Blinduloj kaj Malfortevidantoj kaj
Litova Esperanto-Asocio