Esperanto en jubilea enciklopedio
En 2009 okaze de 1000-jarigho de Litovio ( 1000 jaroj ekde la unua mencio pri Litovio en historiaj dokumentoj ) prestigha eldonejo Instituto pri eldonado de enciklopediaj kaj sciencaj libroj kaj chefa litova chiutaga nacia gazeto „Lietuvos rytas“ en Vilnius aperigis grandformatan 704-paghan jubilean popularan ilustritan enciklopedion sub titolo „Šalis ta Lietuva... 1000 svarbiausių šalies istorijos akimirkų: Žmonės, Įvykiai, Simboliai, Tradicijos „ ( Tiu lando Litovio... 1000 la plej gravaj momentoj de landa historio: Homoj, Eventoj, Simboloj, Tradicioj ). Estas tre grave, ke unu el tiuj momentoj estas Esperanto kaj Ludoviko Lazaro ZAMENHOF – sur pagho 508 kiel ero Nr.723 el tiuj 1000 momentoj estas publikigita tutpagha artikolo pri Esperanto kaj Ludoviko Lazaro ZAMENHOF. En la artikolo estas kurta biografio de L.ZAMENHOF, mallonga prezento de Esperanto kun mencio, ke ghi estis perfektigita en Veisiejai, estas mallonge prezentita Esperanto en Litovio kun mencio de kelkaj chefaj aferoj, ekzemple, Universala Kongreso de Esperanto en 2005 en Vilnius k.s. Ankau estas publikigita unu strofo de poemo de Antanas BARANAUSKAS „Anykščių šilelis“ ( Arbareto che Anykščiai ) en Esperanto kaj en litova lingvo. Artikolo estas ilustrita per pentrita portreto de L.ZAMENHOF. Fine estas donita alfabeto de Esperanto kun klarigo pri prononco de chapelitaj literoj. Tiun-chi libron donace ricevis chiuj abonantoj de gazeto „Lietuvos rytas“. Sendube, tiu-chi artikolo oficiale agnoskas gravecon de Esperanto en Litovio kaj por chiam enigas internacian lingvon en historion de Litovio.
Povilas JEGOROVAS
Kaunas,
La 7-an de Marto, 2010 |
|
