Unua Bulteno
pri la tutmonda kongreso de esperantistoj-ĵurnalistoj en Vilnius, Litovio
26–30. 05. 2008

Litova Ĵurnalista Asocio kaj Litova Esperanto-Asocio invitas Vin partopreni tutmondan kongreson de esperantistoj-ĵurnalistoj en la ĉefurbo de Litovio, Vilnius, la 26–30-an de majo 2008.

Ĉeftemo de la kongreso: „Internacia interkultura komunikado: ĵurnalismo kaj Esperanto¡°. La Kongreso ankaŭ ligiĝos al Internacia Jaro de Lingvoj kaj al la proksimiĝanta 1000-jariĝo de Litovio en 2009 kaj al Vilnius kiel Eŭropa kultura ĉefurbo en la sama jaro.

Loko: La kongreso okazos en la malnova historia urbodomo de Vilnius (str. Didžioji 31). Vilnius estas atingebla aviadile, trajne, buse kaj aŭtomobile.

Tempo: La kongreso funkcios la 26-30-an de majo 2008.Veni al la kongreso preferindas jam la 25-an de majo 2008. Dezirantoj povos uzi la semajnfinon antaŭ la kongreso kaj la semajnfinon post la kongreso. Estas antaŭvidite, ke duono de la tempo estos uzata por kunvenoj kaj la alia duono por ekskursoj tra Vilnius kaj Litovio.

Partopreno: Al la kongreso estas invitataj ĉiuj nunaj kaj iamaj membroj de TEĴA (Tutmonda Esperantista Ĵurnalista Asocio), ĉiuj aliaj profesiaj kaj praktikantaj ĵurnalistoj (redaktoroj kaj redakcianoj de paperaj gazetoj, verkantoj de artikoloj, fotistoj, ilustrantoj, ĵurnalistoj de Esperanto-radioj, redaktoroj kaj ĵurnalistoj de retgazetoj), homoj de apudaj profesioj iel rilataj al ĵurnalismo — literaturistoj, verkistoj, eldonistoj, tradukistoj k.a. Al la kongreso estas invitataj ankaŭ ĉiuj estraranoj de UEA kaj ties ĝenerala direktoro. Entute ni antaŭvidas ĉirkaŭ 100 partoprenantojn.

Programo: Estas antaŭvidataj prelegoj kaj diskutoj pri la ĉeftemo, kunvenoj de TEĴA, aliaj rilataj programeroj. Proponoj, konsiloj kaj sugestoj por la programo estas atendataj, ankaŭ sinproponoj por prelegi, raporti pri la kongresaj temoj. La laborlingvo de la kongreso estas Esperanto.

Financaj kondiĉoj:
                1. Aliĝkotizo ne ekzistas.
                2. Loĝado en hoteloj dum la kongresa periodo estas senpaga.
                3. Manĝado dum la kongresa periodo estas senpaga.
                4. La organiza komitato pretas plene aŭ parte kovri la vojaĝelspezojn por tiuj personoj, kiuj sen financa helpo ne povus veni al la kongreso (ĝis 250 eŭroj por eŭropanoj kaj ĝis 500 eŭroj por ekstereŭropanoj). Unue la financan helpon ĝuos kontribuontoj al la kongresa programo kaj tiuj personoj, kies partopreno en la kongreso estas dezirinda kaj preferinda. Pri ĉiu aparta kazo decidos la organiza komitato.

Aliĝo: Per plenigo de la aldonita aliĝilo kaj ĝia sendo al Litova Esperanto-Asocio, p.k. 167, LT-44287, Kaunas, Litovio. Eblas aliĝi telefakse +370-37-228616 aŭ rete al litova.ea@mail.lt. Limdato por aliĝi estas la 30-a de aprilo 2008. Aliĝiloj riceveblas ĉe LEA.

Loĝado: En urbaj hoteloj (Ecotel, Holiday Inn, Novotel k.s.).

Manĝado: Matenmanĝo en hoteloj, aliaj manĝoj en lokoj anoncotaj poste.

Vizoj: al Litovio senvize rajtas veni civitanoj de ĉiuj landoj de Eŭropa Unio kaj de multaj aliaj landoj. Aliaj vizojn havigu anticipe en Litoviaj ambasadejoj kaj konsulejoj en diversaj landoj. En problemaj kazoj turnu Vin por helpo al Litova Esperanto-Asocio. Se necesos, organizantoj sendos oficialajn invitojn por la kongreso.

Aliaj gravaĵoj: Fine de aprilo – komence de majo 2008 ĉiu aliĝinto ricevos la Duan Bultenon pri la kongreso kun pli detalaj kaj aktualaj informoj. Aktualajn informojn pri la kongreso Vi trovos ankaŭ en la retejo de Litova Esperanto-Asocio www.esperanto.lt.

Aliĝ-kontaktadreso:        p.k. 167, LT-44287 Kaunas, Litovio, Litova Esperanto-Asocio.
                Telefono: +370-37-208503 ( landa kodo, urba kodo, numero)
                Poŝtelefono: +370 687 12219
                Telefakso: +370 37-228616
                Retadreso: litova.ea@mail.lt

BONVENON AL LITOVIO!

Organiza komitato
05.01.2008