|
|
|
ARANĜOJ 
|
|
|
|
|
Litova Esperanto-Asocio invitas ĉiujn esperantistojn al tradicia ĉiujara aranĝo de litovaj esperantistoj “Zamenhof-tagoj-2008”, dediĉita al la 149-a vica datreveno ekde naskiĝo de L.L.Zamenhof. La aranĝo okazos la 13-14-an de Decembro, 2008 en Kaunas, en salono de Lernejo pri komerco kaj entreprenado en Kaunas (str. Vilniaus 42).La loko estas en malnova urboparto de Kaunas nur je 300 metrojn for de Esperanto-Domo en Kaunas kaj estas facile atingebla de diversaj flankoj.
Noktado en kutima komunloĝejo de Agrikultura universitato kaj/aŭ hoteloj.
Manĝado en kafejo de la Lernejo kaj eventuale en aliaj apudaj kafejoj kaj restoracioj. Partoprenantoj ricevos senpagan tagmanghon sabate ( la 13-an de Decembro ) en kafejo de la Lernejo.
Pago pro noktado kaj manĝado surloke.Pro noktado en komunloĝejoj por ĉiuj litovaj esperantistoj pagos Litova Esperanto-Asocio.
En la programo:1.Solena malfermo. 2.Prelegoj pri diversaj temoj. 3.Impresoj pri la 93-a Universala Kongreso de Esperanto en Roterdamo. 4.Impresoj pri aliaj someraj internaciaj Esperanto-aranĝoj. 5.Junulara forumo. 6.Fakaj kunvenoj. 7.Kunveno de instruistoj. 8.Libera tribuno, diskutoj, paroloj. 9.Koncerto de partoprenantoj kaj amika vespero. 10.Abonado de E-revuoj. 11.Riĉa butiko de E-aĵoj. 12.Aliĝo al la 94-a Universala Kongreso de Esperanto en Bjalistoko, al la 45-aj Baltiaj Esperanto-Tagoj en Estonio kaj aliaj internaciaj E-aranĝoj en 2009. 13.Videofilmoj, lumbildoj. 14.Solena fermo. 15.Eventuale aliaj programeroj.
Estas invitataj reprezentantoj de ĉiuj najbaraj kaj pli foraj naciaj kaj internaciaj Esperanto-Asocioj, aktivuloj de Esperanto-movado el aliaj landoj.
Malfermo je la 16-a horo sabate.
Fermo je la 12.30 horo dimanĉe.
Antaŭ la “Zamenhof-tagoj-2008” je la 12-a horo sabate okazos vica la 44-a kongreso de Litova Esperanto-Asocio.
Registrado ĉe enirejo en salonon: 1.De delegitoj kaj gastoj de la 44-a kongreso de LEA inter la 8 kaj 11.45 horo sabate.2.Nur de partoprenantoj de “ZT-2008” inter la 15 kaj 16 horo sabate.
Gastoj el aliaj urboj kaj landoj povas veni jam vendrede vespere (la 12-an de Decembro) kaj ekloĝi en hoteloj kaj komunloĝejoj.Vendrede de la 17-a ĝis la 22-a horo en oficejo de Litova Esperanto-Asocio, str L.Zamenhofo 5 oni deĵoros kaj direktos venintojn por noktado, informos pri ĉiuj aktualaĵoj.Venintaj sabate matene iru rekte al la salono de la aranĝo.
Ni rekomendas al ĉiuj dum la aranĝo aboni “Litovan stelon” por 2009, pagi membrokotizon de LEA por 2008 kaj 2009, aliĝi al la 45-aj Baltiaj Esperanto-Tagoj en Estonio kaj al la 94-a Universala Kongreso de Esperanto en Bjalistoko somere de 2009, pagi membrokotizon de Universala Esperanto-Asocio por 2009.
Kotizo ne ekzistas.
La kvanto de partoprenantoj ne estas limigita.Tamen ĝis la 8-a de Decembro inkluzive bonvolu informi ĉu letere, ĉu telefone, ĉu telefakse (Litova Esperanto-Asocio, ab.k. 167, LT-44002 Kaunas, oficejaj telefonoj de LEA estas (+370 37) 208503, (+370 5) 2312313, moveblaj telefonoj (+370 675) 58449, (+370 686) 69875, telefakso (+370 37) 228616 ) , ĉu rete al adreso litova.ea@mail.lt pri la kvanto de partoprenantoj el Via urbo, pri la kvanto de bezonataj lokoj por noktado, pri la tago de Via veno – ĉu vendrede, ĉu sabate, kaj pri la tago de forveturo de ĉiu persono – ĉu sabate, ĉu dimanĉe, ĉu lunde.Bonvolu ankaŭ informi, kie Vi deziras nokti – ĉu en komunloĝejo, ĉu en hotelo.Laŭ la sama adreso kaj telefonoj Vi povas ekscii ĉiujn aliajn aktualaĵojn pri la aranĝo.
Bonvolu kunpreni materialojn por E-ekspozicio, E-aĵojn por butiko, filmojn kaj lumbildojn, anticipe prepariĝu por komuna koncerto, pripensu Vian kontribuon al programo per aliaj eroj, antaŭvidu Vian partoprenon en libera tribuno, diskutoj.
B O N V E N O N A L K A U N A S !
Organizantoj
15.11.2008 |
|
|
|
