|
|
|
Baltiaj Esperanto-Tagoj 46
|
|
 |
 |
| | | LEA |
|
 |
 |
BALTIAJ E-TAGOJ SUB AUSPICIOJ DE UEA |
|
ARKONES KAJ BALTIAJ ESPERANTO-TAGOJ SUB AUSPICIOJ DE UEA
Du prestighaj Esperanto-aranghoj, ambau kun longa tradicio, ricevis auspiciojn de UEA por ilia chi-jara okazigo. La Estraro de UEA donis tiun specialan statuson al la 46-aj Baltiaj Esperanto-Tagoj en la litova urbo Visaginas (26 junio – 4 julio) kaj al la 26-a ARKONES en la pola urbo Poznano (24-26 septembro).
La tradicio de Baltiaj Esperanto-Tagoj (BET) naskighis kiel Chebalta Studenta Esperanto-Tendaro en 1959 kaj dauras ekde tiam chiujare, escepte de du pauzoj. Komence la partoprenantoj venis el la baltaj respublikoj, sed baldau la arangho komencis altiri esperantistojn el la tuta tiama Sovetunio. Post la resendependigho de la baltaj shtatoj BET evoluis al vere internacia renkontigho kun richa programo. Al BET-46 oni atendas ch. 300 personojn el trideko da landoj.
ARKONES, t.e. ARtaj KONfrontoj en ESperanto, ghuas la auspiciojn de UEA la kvaran fojon. De kelkaj jaroj tiu chi arta kaj kleriga arangho okazas lige kun la autuna studsesio de la Interlingvistikaj Studoj che la Universitato Adam Mickiewicz, kies studentoj kaj instruistoj formas parton de la averaghe 200-kapa publiko kaj ankau kontribuas al la programo. Ankau pluraj funkciuloj de UEA prelegis en ARKONES, i.a. prezidanto Probal Dasgupta pasintjare.
Pli pri BET-46: http://www.esperanto.lt/
Pli pri ARKONES: http://www.arkones.org/
* Fonto: Gazetaraj Komunikoj de UEA, N-ro 360, 2010-01-21 |
|
|
|
